ڕۆژا پێنجشەمبی ڕێـککـەڤتی  (٨  / ٥ / ٢٠٢٥ ) شاندەكێ زانكۆیا زاخۆ ب سەرپەرشتیا سەرۆكێ زانكۆیێ ڕێزدار (پ. د. ديار عبدالكريم سعيد) و لگەل دا هاریكاێ سەرۆكێ زانكۆیێ بو كاروبارێن زانستی و ڕاگرێن كۆلیژا كارگێرێ و ئابووری و كۆلیژا ئەندازیاری و سەرۆك پشكێ زانستێن كارگێری و چەند ژ ستافێن زانكۆیێ پشكداری دسەمپۆزیۆما بناڤێ (بازرگانیا نیڤدەولەتی و گرنگیا گومركا ئیبراهیم خەلیل و گومركا خابور بۆ حكومەتا توركیا و حكومەتا عێراقێ و حكومەتا هەرێما كوردستانی) ل زانکۆیا شرنەخ كرن.

هەژیە بێژین؛ د ئەڤێ سەمپۆزیۆمێ دا پارێزگارێ شرنەخێ و سەرۆكێ زانكۆیا شرنەخێ و سەرۆكێ ژۆرا بازرگانی و پیشەسازی یا جزیرێ و چەندین ئەكادیمست و بازرگانێن دەڤەرێ پشكداری تێدا كرن.
د پەیڤەكێ دا؛ ڕێزدار سەرۆكێ زانكۆیا زاخۆ خۆشحالیا خۆ دەربری بۆ ڤێ پەیوەندیا دناڤبەرا زانكۆیا زاخۆ و زانكۆیا شرنەخ و دانە دیاركرن، كۆ ئیدارا سەربەخویا زاخۆ یا هەڤسنورە گەل پارێزگەها شرنەخێ ژبەر ڤێ چەندێ ئەڤ جورە چالاكی و سەمپۆزیۆمە نە بتنێ دێ گرنگیا بازرگانی دەنە دیاركرن، بەلكۆ دی بیتە دەرگەهەك بۆ پێشئێخستنا پەیوەندیێن زانستی و كەلتووری و جڤاكی و هونەری. ژبەر ڤێ چەندێ ئەم وەكۆ زانكۆیا زاخۆ خوشحالین ب پشكداریا مە د ئەڤێ سەمپۆزیۆما گرنگ دا.
هەروەسا ئەم ب پەروشین كۆ ئەڤ چالاكیە دێ ل زانكۆیا زاخۆ ژی هێتە ئەنجامدان. ژ بەر ڤێ چەندێ ئەم ب هیڤی نە، کۆ لێکگوهارتنا زانستی دێ مفایەكێ باش بۆ مامۆستا و قوتابیێن مە ژ هەردۆک ئالیان هەبیت و ئومێدەوارم ئەم بشێین ل پاشەڕۆژێ چالاكیێن زانستی و كەلتووری دناڤبەرا قوتابیان دا ئەنجام بدەین.

هەروەسا سمینارەك هاتە پێشکێشکرن ژلایێ سەرۆكێ پشكا زانستێن كارگێری بەرێز (پ. هـ. د. جگر مصطفى اسماعيل) ل دۆر گرنگیا گومركا ئیبراهیم خەلیل و گومركا خابور بۆ حكومەتا توركیا و حكومەتا عێراقێ و حكومەتا هەرێما كوردستانێ. 
ژلایەكێ دیتر ڤە؛ شاندێ زانكۆیا زاخۆ سەرەدانا تاقیگەهێن زانكۆیا شرنەخێ كرن و هەردۆک ئالیان ئامادەیا خۆ نیشاندا ل سەر هەماهەنگی و مفا؟وەرگرتن ژ تاقیگەهێن ئێکودۆ بۆ مەرەما ئەنجامدانا چالاكیێن زانستی و هەروەسا چالاكیێن و كەلتووری و هونەری د ناڤبەرا قوتابیێن هەردۆک زانكۆیان دا.
د بەردەوامیدانا ئەڤێ سەمپۆزیۆزێ دێ شاندێ زانكۆیا شرنەخ ل ڕێــککــەڤتی (١٠ / ٥ / ٢٠٢٥) سەرەدانا زانكۆیا زاخۆ كەن و یاداشتنامەكا لێكتێگەهشتنێ ئیمزاكەن پاشان سەرەدانا چەندین جهێن گەشتوگوزاری یێن ئیدارا سەربەخۆیا زاخۆ كەن.